Ofnakerfi fyrir Vindáshlíð sumarbúðir KFUM og KFUK

Þetta verkefni hefur náð fjármögnun og er nú í framkvæmd.

€10179

107% af €9500 markmiði

104

styðjendur

klst eftir

Nýlega var lögð heitavatnslögn upp að Vindáshlíð og nú stendur til að nýta þetta heita vatn til þess að kynda húsin. Til þess þarf að leggja ofnakerfi en hingað til hafa húsin verið kynt með rafmagni. Stjórn Vindáshlíðar efnir því til söfnunar svo hægt verði að koma þessu í verk.

€15

Gjöf

Þakka þér fyrir að styrkja Vindáshlíð. Þar við skulum allar, allar eiga dvöl um sumartíð. Ó, hve þú minn Guð ert góður að gefa okkur Vindáshlíð.

4 styðjendur

€25

1/2 metri af lögnum

Takk fyrir að styðja starfið okkar í Vindáshlíð. Með þessu greiðir þú fyrir 1/2 metra af fullbúnum lögnum. "Skvamp - skvamp, skvett og tramp, skreppum on´í Laxá, látum útí litlu tá, og laxinn bítur strax á"

21 styðjendur

€50

1 metri af lögnum

Takk fyrir að styðja starfið okkar í Vindáshlíð. Með þessu greiðir þú fyrir 1 metra af fullbúnum lögnum. "Þegar þú biður KÆRI JESÚS, þá kemur hann til þín"

28 styðjendur

€100

2 metrar af lögnum

Þakka þér kærlega fyrir að styrkja okkur. Með þessu greiðir þú fyrir 2 metra af fullbúnum lögnum. Að launum færðu frítt fyrir einn á næstu kaffisölu Vindáshlíðar 2019. Ég veit, að til er staður, sem heillar okkar hug í hjörtum tendrar minninganna ljós. Því spyr ég ykkur, vinir, hvort þið viljið þreyta flug á vængjum ykkar snöggvast upp í Kjós.

16 styðjendur

€175

Ofn

Framlag þitt er hlíðinni mjög mikilvægt. TAKK fyrir, með þessu greiðir þú fyrir einn ofn. Að launum færðu frítt fyrir tvo á næstu kaffisölu Vindáshlíðar 2019. Uppi´í Vindáshlíð kom skúr, veðurofsa dró ei úr, upp í Vindáshlíð kom voða skúr. Uppi ´í Vindáshlíð í skúr, var Guðs orði lesið úr, uppi ´í Vindáshlíð í vænum skúr.

13 styðjendur

€350

2 ofnar

TAKK fyrir að styrkja Vindáshlíð. Framlag þitt er hlíðinni mjög mjög mikilvægt. Með þessu greiðir þú fyrir tvo ofna. Að launum færðu frítt fyrir fjóra á næstu kaffisölu Vindáshlíðar 2019. Hugfangin ég starði á grasi gróinn svörð glitrandi. Þá kom í huga minn: Drottinn, er það mögulegt, að okkar eigin jörð endurspeglað geti ljóma þinn.

3 styðjendur

€525

3 ofnar

TAKK innilega fyrir að styrkja Vindáshlíð. Framlag þitt er hlíðinni mjög mjög mjög mikilvægt. Með þessu greiðir þú fyrir þrjá ofna. Sem þakklæti færðu frítt fyrir sex á næstu kaffisölu hjá Vindáshlíð 2019. Gegnum gáska og gamansemi, frá Straumi til Vindáshlíðar, hvort heldur er "Straumdögg" eða "Hlíðardögg" þá er grunntónninn sá sami - Vertu trú!

1 styðjandi

€980

Uppsettur ofn

VÁ, þakka þér innilega fyrir þennan mikla stuðning. Þú greiðir fyrir einn uppsettan ofn. Sem þakklæti færðu frítt fyrir einn í mæðgna- eða kvennaflokk sumarið 2019. Og meyjarnar þær, sem verið hafa með í Vindáshlíð, þær munu hingað dætur senda máske fyrr en síð og öfunda þær eflaust, hve umbótin er fríð frá öllu því sem forðum var á þeirra Hlíðartíð.

€1480

Herbergi

HVÍLÍK BLESSUN. TAKK TAKK TAKK TAKK fyrir þennan mikilvæga og góða stuðning. Með þessu greiðir þú fyrir eitt herbergi. Allt efni og vinnu sem þarf til að setja ofn, lagnir og frágang. Að launum færðu frítt fyrir eitt barn í einn flokk sumarið 2019. Þú fagra landið fyrirheita, á fund þinn ungar meyjar leita. Þær Jesúm og hans friðinn finna í faðmi grænna lauta þinna. Því blettur hver, sem augað eygir, frá ást og miskunn Drottins segir, og hljómar loft af lofgerðinni. Já, lof sé, faðir, gæsku þinni.